SCHOOL INDUCTION 🧑‍🏫DAY5

30/10/2024 ബുധൻ 

ഇന്നൊരു സ്പെഷ്യൽ ഡേ ആണ് (for me)

                  അതുകൊണ്ട് ബ്ലോഗും കുറച്ച് കളർ ആക്കാം എന്ന് വച്ചു.

               

          സ്കൂൾ ഇൻഡക്ഷന്റെ അഞ്ചാമത്തെ ദിവസം,

         അവസാന ദിവസവും.

 

 വീട്ടിലെ ഉപകരണങ്ങളെയും ചെടികളെയും മറ്റും കുട്ടികളായി കണ്ട്  പഠിപ്പിച്ചും അടിച്ചുo ടീച്ചർമാരായി അഭിനയിക്കാത്ത ആരും തന്നെ  ഉണ്ടാവില്ല. പക്ഷേ ഒരു സ്കൂളിൽ ചെന്ന് യഥാർത്ഥ ക്ലാസ്സിൽ പഠിപ്പിക്കാൻ ഒരു അവസരം അങ്ങനെ എല്ലാവർക്കും കിട്ടണമെന്നില്ല. ബിഎഡ് വിദ്യാർത്ഥികളായ ഞങ്ങളെ സംബന്ധിച്ചിടത്തോളം അതൊരു പുതുമയുള്ള കാര്യമേ അല്ല. പക്ഷേ ജീവിതത്തിൽ ആദ്യമായി,ഒരു സ്കൂളിൽ ചെന്ന് പത്തു നാല്പതു കുട്ടികളുടെ ശ്രദ്ധയെ പിടിച്ചിരുത്തി  അവരെ പഠിപ്പിക്കുക എന്നത് ഒരു ചെറിയ കാര്യമായി എനിക്ക് തോന്നിയില്ല. കുട്ടികളെ പഠിപ്പിക്കുക എന്ന കാര്യത്തിൽ അല്ല, മറിച്ച്ഒരു ടീച്ചറുടെ വേഷത്തിൽ ജീവിതത്തിൽ ആദ്യമായി നിൽക്കുക എന്ന കാര്യത്തിലാണ്  എനിക്ക് ആകാംക്ഷയും കൗതുകവും ഉണ്ടായത്.

                ഇന്നേദിവസം ജീവിതത്തിലൊരിക്കലും മറക്കാത്ത ഒരു ദിവസമായി മാറപ്പെട്ടു എന്ന് വേണമെങ്കിൽ പറയാം.

       രാവിലെ സ്കൂളിൽ ചെന്ന് കയറിയത് അല്പം ഒരു ടെൻഷനോടെയാണ്. കാരണമെന്താണ് ഞാൻ സൂചിപ്പിച്ചുവല്ലോ. രാവിലെ ചെന്ന് രജിസ്റ്ററിൽ ഒപ്പിട്ട ശേഷം ക്ലാസ്സിലേക്ക് പോയി. മൂന്നാമത്തെ പിരീഡ് ആയിരുന്നു എട്ടാം ക്ലാസിലേക്ക്  പഠിപ്പിക്കാനായി എനിക്ക് അനുവദിച്ചിരുന്നത്.എട്ടാം ക്ലാസ് അടിസ്ഥാനപാഠാവലി പുസ്തകത്തിലെ എം ടി വാസുദേവൻ നായരുടെ  കുപ്പായം എന്ന ഓർമ്മക്കുറിപ്പാണ് ഞാൻ കുട്ടികൾക്ക് പഠിപ്പിച്ചു കൊടുത്തത്. ഞാൻ ഒറ്റയ്ക്കായിരുന്നില്ല. സ്കൂളിലെ അവസാന ദിവസമായതു കൊണ്ട് തന്നെ  സമയപരിമിതി മൂലം ഞാനും എന്റെ സഹപാഠിയുമായ ജിൻസി യും ഒത്താണ്ക്ലാസ് എടുത്തത്. 100% പെർഫെക്റ്റ്  ആക്കാൻ പറ്റിയില്ലെങ്കിലും കിട്ടിയ സമയത്തിൽ  കുട്ടികൾക്ക് അൽപ്പമെങ്കിലും മനസ്സിലാവുന്ന രീതിയിൽ പഠിപ്പിക്കാൻ കഴിഞ്ഞു എന്നതിൽ ഞാൻ സന്തോഷവതിയാണ്.  അങ്ങനെ ക്ലാസ് ഒക്കെ കഴിഞ്ഞ്  ഉച്ചയ്ക്ക്  ആഹാരം കഴിക്കുന്ന സമയമായി. കുട്ടികൾക്ക് സ്കൂളിലെ ഉച്ചഭക്ഷണം വിളമ്പി കൊടുക്കാൻ ഇന്ന് ഞങ്ങൾ പോയിരുന്നു. വിളമ്പിക്കൊടുക്കുക മാത്രമല്ല ഞങ്ങൾ അവിടുന്ന് ആണ് ആഹാരം കഴിച്ചത്.

                      ആഹാരം കഴിച്ച് ബ്രേക്കിന് ശേഷം സ്കൂളിലെ മറ്റു വിവരങ്ങൾ തിരക്കാനായി പോയി. ഇന്നും എന്തോ അസൗകര്യം മൂലം ഹെഡ്മിസ്ട്രസ് സ്കൂളിൽ വന്നില്ല. സ്കൂളിലെ വിവരമൊക്കെ ശേഖരിച്ച് ടീച്ചർമാരെ ഒക്കെ ഒന്നുകൂടി കണ്ട്  മൂന്നാമത്തെ സെമസ്റ്റർ ടീച്ചിങ് പ്രാക്ടീസിനായി ഇതേ സ്കൂളിൽ തന്നെ എത്തുമെന്ന് അവരെ അറിയിച്ച് ടീച്ചർമാരുമായി ഫോട്ടോയൊക്കെ എടുത്ത് ദേശീയ ഗാനത്തിന് ശേഷം ഞങ്ങൾ വീട്ടിലേക്ക് മടങ്ങി.

SCHOOL INDUCTION 🧑‍🏫DAY 4

 29/10/2024 ചൊവ്വാഴ്ച..... സ്കൂൾ ഇൻഡക്ഷന്റെ നാലാം ദിവസം. നിർഭാഗ്യവശാൽ കൊല്ലം ജില്ലയിൽ കെ എസ് യുവിന്റെ  വിദ്യാഭ്യാസ ബന്ദായിരുന്നു അന്ന്. തലേദിവസം തന്നെ സ്കൂളിന്റെ ഹെഡ്മിസ്ട്രസ്  വരേണ്ട എന്ന് പറഞ്ഞതുകൊണ്ട് ഞങ്ങൾ ആരും അന്ന് സ്കൂളിൽ പോയില്ല.പക്ഷേ ഞങ്ങളുടെ മറ്റു ചില കൂട്ടുകാർക്ക് അന്നേ ദിവസം പോകേണ്ടി വന്നു....ആയതിനാൽ സ്കൂൾ ഇൻഡക്ഷന്റെ ഒരു ദിനം ഞങ്ങൾക്ക് നഷ്ടമായി....

SCHOOL INDUCTION 🧑‍🏫DAY 3

28/10/2024 തിങ്കളാഴ്ച.

സ്കൂൾ ഇൻഡക്ഷന്റെ മൂന്നാം ദിവസം.

 കഴിഞ്ഞ ദിവസങ്ങളിലെ പോലെ തന്നെ ഏകദേശം ഒമ്പതരയോടെ സ്കൂളിൽ എത്തുകയും അറ്റൻഡൻസ് രജിസ്റ്റർ ഒപ്പിട്ട ശേഷം ഞങ്ങൾക്കായി അനുവദിച്ചിരിക്കുന്ന ക്ലാസിലേക്ക് പോവുകയും ചെയ്തു. ഹെഡ്മിസ്ട്രസ് ഇന്നും ലീവ് ആയിരുന്നു.  സ്കൂളിലെ മലയാളം അധ്യാപകനായ അരവിന്ദ് സാറിന്റെ മൂന്നാമത്തെ പീരീഡ് ഞങ്ങൾക്ക് ക്ലാസ് എടുക്കുവാൻ ആയി അനുവദിച്ചിരുന്നു. 8 എ യും ബിയും ഡിവിഷനുകളിലെ കുട്ടികൾ ആയിരുന്നു ആ ക്ലാസ്സിൽ ഉണ്ടായിരുന്നത് . ഞങ്ങളുടെ കൂടെയുള്ള അനുപമയാണ് ഇന്ന് ക്ലാസ് എടുത്തത്. എട്ടാം ക്ലാസ് അടിസ്ഥാനപാഠാവലി പുസ്തകത്തിലെ എംടിയുടെ ഓർമ്മക്കുറിപ്പായ "കുപ്പായം" എന്ന പാഠഭാഗമാണ് ക്ലാസ്സിൽ പഠിപ്പിച്ചത്. കുട്ടികളെ അച്ചടക്കത്തോടെ ഇരുത്താൻ ഇത്തിരി ബുദ്ധിമുട്ടിയെങ്കിലും ക്ലാസ് മനോഹരമായിരുന്നു. പാഠഭാഗവുമായി ബന്ധപ്പെട്ട ഒരു പ്രവർത്തനം എന്ന നിലയിൽ കുട്ടികളെ കൊണ്ട് അവർക്ക് മറക്കാൻ കഴിയാത്ത ഒരു ഓർമ്മ എഴുതിച്ചു ക്ലാസ്സിൽ അവതരിപ്പിക്കുകയും ചെയ്തു. സ്കൂൾ ഇൻഡക്ഷൻ റിപ്പോർട്ടിൽ  വയ്ക്കാനായി ഓരോ അധ്യാപക വിദ്യാർത്ഥികളും സ്കൂളിലെ 3 കുട്ടികളെ വീതം ഇന്റർവ്യൂ ചെയ്യണം. ഉച്ചയ്ക്ക്  ചോറ് കഴിച്ചതിനുശേഷം ഉള്ള കുറച്ച് സമയം ഞങ്ങൾ അതിനായി ഉപയോഗിച്ചു. കോളേജിൽ നിന്ന് ഏകദേശം 23 ഓളം കുട്ടികൾ ഇൻഡക്ഷനായി സ്കൂളിൽ എത്തിയിരിക്കുന്നത് കൊണ്ട് തന്നെ അധികം പീരിയഡുകൾ ഒന്നും തന്നെ പഠിപ്പിക്കാനായി ലഭിച്ചില്ല. അതുകൊണ്ട് ഉച്ചയ്ക്ക് ശേഷമുള്ള സമയം ലൈബ്രറി കാണാനും മറ്റു ടീച്ചർമാരിൽ നിന്നും വിവരങ്ങൾ ശേഖരിക്കാനും ആയി ചിലവഴിച്ചു.ഏകദേശം മൂന്നരയോടെ അറ്റൻഡൻസ് രജിസ്റ്ററിൽ ഒപ്പിട്ട് ദേശീയഗാനത്തിനുശേഷം ഞങ്ങൾ  വീട്ടിലേക്ക് മടങ്ങി.

അനുപമ ടീച്ചർ 🧑‍🏫

കുട്ടികളുമായുള്ള ഇന്റർവ്യൂ 

SCHOOL INDUCTION 🧑‍🏫DAY 2

സ്കൂൾ ഇൻഡക്ഷൻ പ്രോഗ്രാമിന്റെ രണ്ടാം ദിവസമായ 25/10/2024 വെള്ളിയാഴ്ച കൃത്യം 9. 30ക്ക്ഞങ്ങളെല്ലാവരും സ്കൂളിലെത്തി. ഹെഡ്മിസ്ട്രസ് അന്നേദിവസം ലീവ് ആയിരുന്നു. രാവിലെ തന്നെ   ഞങ്ങൾ രജിസ്റ്ററിൽ ഒപ്പിട്ട ശേഷം,അധ്യാപക വിദ്യാർത്ഥികൾക്കായി അനുവദിച്ചിരിക്കുന്ന മുറിയിലേക്ക് പോയി. വ്യത്യസ്ത ഡിപ്പാർട്ട്മെന്റിലെ കുട്ടികൾ ആയതിനാൽ വേറെ വേറെ സമയത്തായിരുന്നു ക്ലാസുകൾ എടുക്കേണ്ടതും ഒബ്സർവേഷന് പോകേണ്ടതും ഒക്കെ. മലയാളം വിദ്യാർഥികളായ ഞങ്ങൾക്ക് അന്നേദിവസം രണ്ട് ഒബ്സർവേഷനുകൾ ആണ് നടന്നത്. ആ സ്കൂളിലെ മലയാളം അധ്യാപകനായ അരവിന്ദ് സാറിന്റെ 2 ക്ലാസുകൾ ഒബ്സർവ് ചെയ്തു നമ്മൾ റിപ്പോർട്ട് ചെയ്യണം. ഇതാണ്      ഒബ്സർവേഷൻ എന്നതുകൊണ്ട് ഉദ്ദേശിക്കുന്നത്. നല്ല മഴയായിരുന്ന ഒരു ദിവസം ആയതുകൊണ്ട് തന്നെ  സ്കൂളിലെ മറ്റു വിവരങ്ങളൊന്നും അന്വേഷിക്കാൻ പോകാൻ ഉള്ള സാഹചര്യം ലഭിച്ചില്ല. പിറ്റേ ദിവസത്തേക്ക് ക്ലാസ് എടുക്കാൻ ആവശ്യമായ ലെസ്സൺ പ്ലാനുകൾ ഒക്കെ ഞങ്ങൾ അവിടെ ഇരുന്നു തയ്യാറാക്കി. പ്രത്യേകിച്ച് വേറെ പരിപാടികളൊന്നും തന്നെ ഉണ്ടായിരുന്നില്ല. മൂന്നരയോടെ സ്കൂൾ ടൈം അവസാനിക്കുകയും ദേശീയഗാനം ചൊല്ലി ഞങ്ങൾ ക്ലാസ്സിൽ നിന്ന് പുറത്തിറങ്ങുകയും ചെയ്തു .രജിസ്റ്റർ ഒപ്പിട്ട് ഞങ്ങൾ വീടുകളിലേക്ക് മടങ്ങി.

8B

9B

ഞങ്ങൾ ❤️

SCHOOL INDUCTION 🧑‍🏫DAY 1

 24/10/2024 വ്യാഴാഴ്‌ചയാണ് അഞ്ച് ദിവസങ്ങളിലായി നീണ്ടുനിൽക്കുന്ന സ്കൂൾ ഇൻഡക്ഷൻ ആരംഭിച്ചത്.ആറുമുറിക്കടയിലുള്ള മാർത്തോമാ ഹൈസ്കൂൾ ആണ് ഇൻഡക്ഷൻ പ്രോഗ്രാമിനായി ഞങ്ങൾ തെരഞ്ഞെടുത്തത്.ഞങ്ങൾ ചെന്ന ദിവസം വിദ്യാരംഗം പരിപാടി ആയിരുന്നു. ഏകദേശം ഒമ്പതര മണിയോടെ ഞങ്ങളെല്ലാവരും എത്തിച്ചേർന്നു. കോളേജിൽ നിന്നും 23 വിദ്യാർത്ഥികളാണ് ഇൻഡക്ഷൻ പ്രോഗ്രാമിനായി മാർത്തോമാ സ്കൂൾ തെരഞ്ഞെടുത്തത്. ആദ്യദിവസം എല്ലാവരും എത്തിയിരുന്നു. സ്കൂളിൽ ചെന്ന് ഹെഡ്മിസ്ട്രസിനെ കണ്ടു രജിസ്റ്ററിൽ ഒപ്പിട്ട ശേഷം രണ്ടു വിദ്യാർത്ഥികൾക്ക് വീതമായി ഓരോ പരിപാടിയുടെയും രജിസ്ട്രേഷൻ ചുമതല നൽകി. കഥാരചന മത്സരത്തിന്റെ ഉത്തരവാദിത്തമായിരുന്നു  ജിൻസി യെയും എന്നെയും ഏൽപ്പിച്ചിരുന്നത്.കഥാകൃത്തും ഹയർ സെക്കൻഡറി അധ്യാപകനുമായ രതീഷ് കുമാർ സാറാണ് കഥാരചനയുടെ ശില്പശാലയിലേക്കും തുടർന്ന് മത്സരം നടത്തുന്നതിനും ആയി അവിടെയെത്തിയിരുന്നത്. യുപി വിഭാഗത്തിന്റെയും എച്ച് വിഭാഗത്തിന്റെയും കഥാരചന മത്സരം ആയിരുന്നു അത്. ഇക്കഴിഞ്ഞ മഹാനവമി ദിനത്തിൽ അമ്മത്തൊട്ടിലിൽ അതിഥിയായി എത്തിയ നവമി എന്ന കുഞ്ഞിന്റെ  ഫോട്ടോ ആണ് സാർ കുട്ടികൾക്ക് കഥയുടെ വിഷയമായി നൽകിയത്. അരമണിക്കൂർ സമയവും അനുവദിച്ചു. വളരെ മനോഹരമായ കഥകളാണ് അവർ ഓരോരുത്തരും എഴുതിയിരുന്നത്. യുപി വിഭാഗത്തിലും എച്ച് വിഭാഗത്തിലുമായി വിജയികളെ തെരഞ്ഞെടുത്തു. ഏകദേശം മൂന്നു മണിയോടെ അവസാനിച്ചു. തുടർന്ന് വൈകിട്ടത്തെ അറ്റൻഡൻസ് രജിസ്റ്റർ ഒപ്പിട്ട് ശേഷം വിദ്യാരംഗം സമാപന പരിപാടിയിലും പങ്കെടുത്ത് ഞങ്ങൾ 23 പേരും വീട്ടിലേക്ക് മടങ്ങി.

രതീഷ് സാറിനൊപ്പം 

കഥാരചന 

MICRO TEACHING WORKSHOP✨

 16/10/2024 ബുധൻ &18/10/2024 വെള്ളി ദിവസങ്ങളിൽ കോളേജിൽ micro teaching workshop ആയിരുന്നു.ബി എഡ് സിലബസിലെ ഒരു പോർഷൻ എന്ന നിലയിൽ മാത്രമല്ല  മൈക്രോ ടീച്ചിങ്ങിന്റെ പ്രാധാന്യം.  മറിച്ച്,അധ്യാപന പ്രക്രിയയിൽ അറിഞ്ഞിരിക്കേണ്ടതും അഭ്യസിച്ചിരിക്കേണ്ടതുമായ നിരവധി ടീച്ചിംഗ് സ്കില്ലുകളെ ഉൾക്കൊള്ളുന്ന ഒരു ട്രെയിനിങ് പ്രോഗ്രാം എന്ന നിലയിൽ അതിന്റെ പ്രാധാന്യം വളരെ വലുതാണ്. കമ്മ്യൂണിക്കേഷൻ സ്കിൽ എക്സ്പ്ലനേഷൻ സ്കിൽ,  റീ ഇൻഫോസ്മെന്റ് സ്കിൽ എന്നിങ്ങനെ നിരവധി നൈപുണികളെ മനസ്സിലാക്കി തരാൻ മൈക്രോ ടീച്ചിങ്  വർക്ക്‌ ഷോപ്പിന് കഴിഞ്ഞു. രണ്ടുദിവസങ്ങളിലും രാവിലെ 10 മണിക്ക് തന്നെ വർക്ക്‌ ഷോപ്പ് ആരംഭിച്ചു. മൈക്രോ ടീച്ചിങ് എന്താണെന്നും അതിന്റെ പ്രാധാന്യം എത്രത്തോളം ഉണ്ടെന്ന് മനസ്സിലാക്കാൻ കഴിഞ്ഞു. മൈക്രോ ടീച്ചിങ്ങിൽ ഉൾപ്പെടുന്ന ഓരോ സ്കില്ലുകളുo ഓരോ വിദ്യാർത്ഥികളെ കൊണ്ട് സാർ ചെയ്യിപ്പിക്കുക കൂടി ചെയ്തു.

ART EDUCATION WORKSHOP🎨🎉♥️

 ഒക്ടോബർ 17 നായിരുന്നു ആർട്ട്‌ എഡ്യൂക്കേഷനുമായി ബന്ധപ്പെട്ട വർക്ക് ഷോപ്പ് കോളേജിൽ നടന്നത്.റിട്ടയേഡ് അദ്ധ്യാപകൻ ഗോപാലകൃഷ്ണൻ സാർ ആണ് ക്ലാസ്സ്‌ നയിച്ചത്. രാവിലെ 10മണിക്ക് തുടങ്ങി 4മണിയോളം നീണ്ടുനിന്ന വർക്ഷോപ് വർണങ്ങളുടെയും വരയുടെയും കുറെ നിമിഷങ്ങളാണ് സമ്മാനിച്ചത്. പ്രിൻസിപ്പാൾ റിജു സാറും ആർട്ട്‌ എഡ്യൂക്കേഷൻ ടീച്ചർ അഖിൽ സാറും ക്ലാസ്സിൽ ഉണ്ടായിരുന്നു. ഗ്ലാസ്‌ പെയിന്റിംഗ്, ഗ്രീറ്റിംഗ് കാർഡ്, ബോട്ടിൽ ആർട്ട്‌ അങ്ങനെ തുടങ്ങി ഏകദേശം നാലോളം വർക്കുകൾ സാർ പഠിപ്പിച്ചു.

ഞങ്ങടെ ചായക്കട ഉദ്ഘാടനം ☕🥯

ഞങ്ങൾ വരുന്നത് വരെയും സെക്കൻഡ് ഇയേഴ്സ് ആയിരുന്നു ചായക്കടയുടെ മേൽനോട്ടം വഹിച്ചിരുന്നത്. തേഡ് സെമ്മിലെ ടീച്ചിംഗ് പ്രാക്ടീസിനായി അവർ സ്കൂളുകളിലേക്ക് പോയതോടെ ചായക്കടയുടെ മേൽനോട്ടം ഞങ്ങൾ ഫസ്റ്റ് ഇയേഴ്സിനായി. ചായക്കട എന്ന് പറയുമ്പോൾ അതിവിപുലമായ ഒരു സെറ്റപ്പ് ഒന്നുമില്ലെങ്കിലും രാവിലത്തെ ഇന്റർവെൽ ടൈമിൽ വിശന്ന്‌ തുടങ്ങുന്ന വയറിനു ഒരു ചെറിയ ആശ്വാസം എന്ന നിലയിൽ പ്രവർത്തിക്കുന്ന ഒരു കുഞ്ഞു കാന്റീൻ. കോളേജിലെ മാനേജർ അച്ഛനും പ്രിൻസിപ്പാളും ചേർന്നാണ് ചായക്കട ഉദ്ഘാടനം ചെയ്തത്. തുടർന്ന് ദിവസവും 12 മണി മുതൽ ഉള്ള ഇന്റർവെൽ ടൈമിൽ അത് പ്രവർത്തിച്ചുവരുന്നു. പഫ്സ്,പഴംപൊരി,സമൂസ, ബിസ്ക്കറ്റ്, മിഠായി, ചായ, കോഫി, ലെയ്സ് എന്നിവയൊക്കെയാണ് ആ ചെറിയ വലിയ ചായക്കടയിലെ ഐറ്റംസ്.

✨HAPPY AND PROUD MOMENTS ✨

 ഒക്ടോബർ ഏഴാം തീയതി തിങ്കളാഴ്ച രാത്രിയിൽ 2022 24 ബിഎഡ് ബാച്ചിന്റെ റിസൽട്ട് വന്നു. കോളേജിനും ഞങ്ങൾ വിദ്യാർത്ഥികൾക്കും  അധ്യാപകർക്കും സന്തോഷവും അതിലുപരി അഭിമാനവും തോന്നിയ ഒരു ദിവസമായിരുന്നു അന്ന്. സന്തോഷത്തിന്റെ കാരണം എന്തെന്ന് വെച്ചാൽ ഞങ്ങളുടെ കോളേജിലെ രണ്ട് വിദ്യാർത്ഥികൾക്കായിരുന്നു കേരള യൂണിവേഴ്സിറ്റി ടോപ്പ് മാർക്ക്. മാത്തമാറ്റിക്സ് ഡിപ്പാർട്ട്മെന്റിലെ നീനു ചേച്ചിക്ക്  കേരള യൂണിവേഴ്സിറ്റിയിൽ തന്നെ ഒന്നാം സ്ഥാനവും മലയാളം ഡിപ്പാർട്ട്മെന്റിലെ ആർഷ ചേച്ചിക്ക് യൂണിവേഴ്സിറ്റിയിൽ രണ്ടാം സ്ഥാനവും ഉണ്ടായിരുന്നു. മാത്രമല്ല പരീക്ഷ എഴുതിയ 108 വിദ്യാർത്ഥികൾക്കും 80%നത്തിന് മുകളിൽ മാർക്കും ലഭിച്ച ഒരു ചരിത്ര മുഹൂർത്തം കൂടി ആയിരുന്നു അത്.

👩‍🏫TEACHER'S DAY CELEBRATION👩‍🏫

ബി എഡ് വിദ്യാർത്ഥികളായ ഞങ്ങൾക്ക് ജീവിതത്തിൽ ഏറ്റവും പ്രധാനപ്പെട്ട ഒരു ദിവസമാണ് അധ്യാപക ദിനം. 2024 ഒക്ടോബർ ഏഴാം തീയതി ആണ് ബസേലിയോസ് മാർത്തോമ മാത്യൂസ് ll ട്രെയിനിങ് കോളേജിൽ ഞങ്ങൾ ദേശീയ അധ്യാപക ദിനം ആഘോഷിച്ചത്. ഉച്ചയ്ക്ക് ശേഷം രണ്ടു മണിക്കാണ് പരിപാടി തുടങ്ങിയത്.ഓപ്ഷണൽ വിഷയങ്ങൾ മാത്രം ടൈം ടേബിൾ ഉള്ള ഒരു ദിവസമായിരുന്നു ഞങ്ങൾക്ക് അന്ന്. ആയതിനാൽ ജനറൽ സബ്ജെക്ട്സ് പഠിപ്പിക്കുന്ന ടീച്ചർമാർ അന്നേദിവസം ഉണ്ടായിരുന്നില്ല. എന്തോ അസൗകര്യത്താൽ പ്രിൻസിപ്പാൾ റിജു സാറിനും അന്നത്തെ പരിപാടിയിൽ പങ്കെടുക്കാൻ സാധിച്ചില്ല. അങ്ങനെ ഉച്ചയ്ക്ക് രണ്ടുമണി മുതൽ പരിപാടി ആരംഭിച്ചു. യൂണിയന്റെ നേതൃത്വത്തിൽ ആയിരുന്നു പരിപാടി സംഘടിപ്പിച്ചിരുന്നത്. ഞങ്ങളുടെ ചെയർപേഴ്സൺ ആയ ആൽബിൻ ആണ് ടീച്ചേഴ്സിനെയും മറ്റു അധ്യാപക വിദ്യാർത്ഥികളെയും പരിപാടിയിലേക്ക് സ്വാഗതം  ചെയ്തത്. റോഷ്മ പാപ്പച്ചൻ ആയിരുന്നു പരിപാടിയുടെ ആങ്കർ. "സ്നേഹപൂർവ്വം " എന്ന പേരിൽ ആണ് അധ്യാപക ദിനം ഞങ്ങൾ ആഘോഷിച്ചത്. അധ്യാപകരെ ഓരോരുത്തരെയായി പരിപാടിയിലേക്ക് സ്വാഗതം ചെയ്തതിനുശേഷം അവർക്ക് ഓരോ ടാസ്ക് നൽകുകയുണ്ടായി. അധ്യാപകൻ എന്ന നിലയിൽ ഇത്രയും വർഷമായി അവരുടെ അനുഭവങ്ങളും  ജീവിതയാത്രയും മറ്റും വിദ്യാർത്ഥികളായ ഞങ്ങളോട് പങ്കുവയ്ക്കുന്ന ഒരു ചെറിയ സെക്ഷൻ ആയിരുന്നു അത്. രസകരങ്ങളും അതിലുപരി മനോഹരങ്ങളുമായ നിരവധി അനുഭവങ്ങളെ അവർ ഞങ്ങൾക്കായി പങ്കുവെച്ചു.മാത്രമല്ല അധ്യാപകർ എന്ന നിലയിൽ അവർ തങ്ങളുടെ ജീവിതത്തിൽ നിന്നും പഠിച്ച ഒട്ടനവധി പാഠങ്ങളും പറഞ്ഞു തന്നു. അന്നേ ദിവസത്തിന്റെ സന്തോഷത്തിലേക്കായി ഞങ്ങൾ അവർ ഓരോരുത്തർക്കും ഓരോ ഗിഫ്റ്റും നൽകി. ചെറിയ ഒരു ഗിഫ്റ്റ് ആയിരുന്നെങ്കിലും അവർക്ക് അത് വളരെ ഇഷ്ടപ്പെട്ടു. ശേഷം കുട്ടികളുടെ കലാപരിപാടികൾ ഉണ്ടായിരുന്നു. ഏകദേശം മൂന്നരയോടെ പരിപാടികൾ അവസാനിക്കുകയും ഞങ്ങൾ  വീട്ടിലേക്ക് പോവുകയും ചെയ്തു.

ടീച്ചേഴ്സിന് നൽകിയ ഗിഫ്റ്റ് ❤️

💥FIELD TRIP💥

 04/10/2024 വെള്ളിയാഴ്ച ആയിരുന്നു കമ്മ്യൂണിറ്റി ബേസ്ഡ് പ്രാക്ടിക്കലും ആയി ബന്ധപ്പെട്ട ഫീൽഡ് ട്രിപ്പ് നടന്നത്. തിരുവനന്തപുരം തോന്നയ്ക്കൽ ആശാൻ സ്മാരകം, പ്ലാനറ്റോറിയം, ആർട്ട് ഗ്യാലറി ശേഷം കോവളം ബീച്ച് എന്നിവയായിരുന്നു സന്ദർശിച്ച സ്ഥലങ്ങൾ. രാവിലെ ആറരയ്ക്ക് തന്നെ ഞങ്ങൾ കൊട്ടാരക്കരയിൽ നിന്നും യാത്ര പുറപ്പെട്ടു. രണ്ട് ബസ്സുകളിൽ ആയാണ്  യാത്ര. ആദ്യ ബസ്സിൽ മലയാളം ഫിസിക്കൽ സയൻസ്, മാത്‍സ് ഡിപ്പാർട്ട്മെന്റും രണ്ടാമത്തെ ബസ്സിൽ നാച്ചുറൽ സയൻസ് സോഷ്യൽ സയൻസ്, ഇംഗ്ലീഷ് ഡിപ്പാർട്മെന്റ്എന്നിങ്ങനെയായിരുന്നു യാത്ര.ഓരോ ബസ്സിലും അവരവരുടെ ഓപ്ഷണൽ ടീച്ചറും ബസ് ഒന്നിൽ പ്രിൻസിപ്പാളും ഉണ്ടായിരുന്നു കൊട്ടാരക്കരയിലുള്ള കോഫി ഹൗസിൽ നിന്നുമാണ്  രാവിലത്തെ ബ്രേക്ക് ഫാസ്റ്റ്. ബ്രേക്ഫാസ്റ്റിനു ശേഷം ഏഴരയ്ക്ക് തന്നെ  ഞങ്ങൾ തിരുവനന്തപുരത്തേക്ക് പോയി. തിരുവനന്തപുരം തോന്നയ്ക്കൽ ഉള്ള ആശാൻ സ്മാരകമാണ് ആദ്യം സന്ദർശിച്ചത്. രണ്ടാമതായി പ്ലാനറ്റോറിയത്തിലേക്കാണ് പോയത്. ഞങ്ങൾക്കുള്ള ഉച്ചഭക്ഷണവും അവിടെത്തന്നെയാണ് ഏർപ്പാട് ചെയ്തിരുന്നത്. പ്ലാനറ്റോറിയം സന്ദർശിച്ച ശേഷം ഞങ്ങൾ ആർട്ട് ഗ്യാലറിയിലാണ് പോയത്. ശേഷം കോവളം ബീച്ച് സന്ദർശിച്ചു ഏകദേശം ആറരയോടുകൂടി ഞങ്ങൾ അവിടെനിന്നും തിരിച്ചു.

ആശാൻ സ്മാരകത്തിൽ 

മലയാളം ഡിപ്പാർട്മെന്റ്